Hjartað slær í Vatnsmýri

Flugvöllurinn í Vatnsmýri er hjartað sem slær allan sólahringinn árið um kring. Þangað koma og fara slasaðir á bráðamóttöku, sjúkir á sjúkrahús, starfsmenn á fundi, vörur til fyrirtækja, embættismenn í stjórnsýslu, ferðamenn í ferðaþjónustu, nemendur til náms, auk þess sem völlurinn er hjartað í flugsögu Íslendinga aftur til ársins 1919.

Þegar lífið skiptir máli

Um 6-700 sjúkraflug koma árlega til Reykjavíkur með sjúklinga. Margir fara beint inn á skurðarborðið og eiga fluginu lífið að launa.

Raunhæfasti kosturinn

Vegna breytilegra vinda og landslags er flugvöllur í Vatnsmýri raunhæfasti og öruggasti kosturinn í flugvallarmálum höfuðborgarinnar . Um það eru allir sérfræðingar sammála.

Öryggisflugvöllur

Reykjavíkurvöllur tryggir öryggi landsins í heild. Þaðan má flytja lækna, lögreglu, sérsveit, björgunaraðila, búnað, fólk o.fl. fyrirvaralaust hvert á land sem er.

 

Sjúkraflugið tryggir aðgengi allra að sjúkrahúsum

6-700 sjúkraflug árlega

Næstum tvö sjúkraflug eru flogin á Reykjavíkurvöll allt árið um kring, hátíðisdaga sem aðra daga.

50% bráðatilvik

Ákvörðun um að senda sjúkling með sjúkraflugi er tekin af læknum sem telja aðrar leiðir ekki færar.

Skilin milli lífs og dauða

Á hverju ári er fjöldi tilvika þar sem læknar eru sammála um að skjótur flutningur með sjúkraflugi hafi skilið á milli lífs og dauða.

Fara efst á síðu
 

Þjóðbrautir í lofti - almenningssamgöngur

Byggðir tengdar saman

Vegna áætlunarflugs í Vatnsmýri geta Íslendingar stundað nám þvert á landshluta, byggt upp atvinnulíf og sótt verslun og þjónustu til borgar og lands.

Sjúklingar fara til læknis

Þeir sjúklingar sem ekki þurfa skyndilegan flutning fara til Reykjavíkur á sjúkrahús eða til læknis með áætlunarflugi.

Fundur fyrir hádegi

Fyrirtæki á Austfjörðum getur ákveðið kl 08 að senda mann á fund í Reykjavík í hádeginu og til baka fyrir kvöldmat. Án flugsins er samtenging atvinnulífs við borgina rofin.

Fleiri fljúga en keyra

Mælingar sýna að yfir helstu vetrarmánuði fljúga fleiri til Akureyrar en ferðast þangað um þjóðveg eitt.

60% af landsbyggð

Samkvæmt mælingum eru 60% farþega í innanlandsflugi íbúar af landsbyggðinni.

Flug forsenda starfsemi

Öflug fyrirtæki starfa á landsbyggðinni sem senda daglega fólk til borgarinnar vegna viðskipta. Án flugs brestur forsenda fyrir slíkum rekstri.

Fara efst á síðu
 

Björgun á sjó og landi - Höfuðstöðvar í Vatnsmýri

Viðbragðsaðilar stutt frá

Í neyðartilvikum þarf að bregðast skjótt við og senda neyðarbúnað og sérfræðinga hvert á lands sem er. Stutt frá Vatnsmýri eru höfuðstöðvar slökkviliðs, sjúkrahús ofl. Viðbragðstími er því með allra besta móti.

Sjúkrahús við flugbrautina

Þyrlur með slasaða sjúklinga mega engan tíma missa. Staðsetning vallarins rétt við sjúkrahús skiptir sköpum í öryggi sjófarenda.

Nauðsynlegt í blindflugi

Í slæmum veðurskilyrðum geta þyrlur ekki lent við sjúkrahúsin og treysta á aðflugsbúnað Reykjavíkurvallar. Völlurinn er því lykilatriði í óskertri þjónustu þyrlusveitar Landhelgisgæslunnar.

Fara efst á síðu
 

Fæðingarstaður flugmanna

Gróska í flugnámi

Þrír flugskólar starfa í Vatnsmýri og hafa kennt þar flug í áratugi. Þar hafa nær allir íslenskir flugmenn tekið sín fyrstu skref í flugi.

Kallast á við háskólana

Nám í atvinnuflugi kallast á við háskólanám beggja vegna vallarins. Vatnsmýrin er vagga flugmennta á Íslandi.

Forsenda flugprófs

Flugnemar sem læra næturflug og blindflug treysta á Reykjavíkurvöll í æfingum sínum vegna reglna um upplýsta flugvelli og gætu ekki lokið flugprófi ef hann yrði lagður niður.

Fara efst á síðu
 

Á annað þúsund afleiddra starfa

Mikill fjöldi

Við flugvöllinn starfar mikill fjöldi fólks við flug, viðhald, flugstjórn, afgreiðslu, kennslu og svo mætti lengi telja.

Hálaunastörf

Störf í flugi eru góð og vel launuð störf sem krefjast menntunar og reynslu. Mikil sókn er í flugtengd störf og komast þar færri að en vilja.

Atvinna en ekki atvinnuleysi

Vatnsmýrin er mikilvægt atvinnusvæði á annað þúsund einstaklinga sem byggt hafa upp myndarlegan flugiðnað á Íslandi.

Fara efst á síðu
 

Blóðgjafir sendar með hraði

Lífsnauðsynlegt blóð

Blóðsendingar til og frá Blóðbankanum í Reykjavík sem ekki þola bið eru sendar með flugi.

Viðkvæmar vörur

Flugfrakt tekur oftar en ekki á viðkvæmum varningi sem ekki þolir flutning með flutningabílum og þarf að komast strax á áfangastað.

777 tonn á ári

Árlega fara rúmlega 700 tonn af vörum um Reykjavíkurvöll. Í flestum tilvikum eru það vörur sem senda þurfti með hraði. Það eru 2 tonn á hverjum einasta degi allt árið um kring.

Matvæli

Daglega er flogið með mikið magn matvæla vítt og breytt um landið og alla leið til Grænlands. Auðvelt er að tryggja ferskleika með tryggum flugsamgöngum.

Vörur og varahlutir

Fyrirtæki hvar sem er á landinu geta afgreitt viðskiptavini sína samdægurs með aðstoð flugsins. Aldrei þarf að bíða lengi eftir varahlutum sem koma fljúgandi þvert yfir landið þegar þörf krefur.

Þola enga bið

Þær vörur sem sendar eru með flugi þurfa að komast strax á áfangastað. Byggð og atvinnulíf sendir tvö þúsund kíló daglega sem ekki get beðið.

Fara efst á síðu
 

Höfuðborg þjónustar allt landið

Sjúkrahúsin í Reykjavík

Hjartaaðgerðir, tauga- og heilaaðgerðir, hjartaþræðingar, vökudeild eru eingöngu á sjúkrahúsum í Reykjavík. Landsbyggðin treystir á samgöngur á þessa staði.

Tækjabúnaður

Fjöldi sérhæfðra tækja eru á sjúkrahúsum í Reykjavík og hvergi annarstaðar. Allir landsmenn hafa kostað þau tæki og þurfa því greiðan aðgang að þeim.

Skólar þjónusta landið

Íbúar sem ganga til mennta sækja mikið til höfuðborgarinnar og er samstarf við skóla á landsbyggðinni mikið. Flugið er þar lykilþáttur.

Stjórnsýsla

Nær öll stjórnsýsla landsins er staðsett í Reykjavík. Samskipti landsbyggðar við borg eru því mikil og skipta stöðugar og skjótar samgöngur höfuðmáli.

Stofnanir

Helstu embætti hins opinbera eru í Reykjavík og þangað þurfa einstaklignar og fyrirtæki af öllu landinu oft að sækja.

Menningarlíf

Í Reykjavík eru helstu byggingar og stofnanir menningarmála og er þar mikill samgangur við landsbyggðina sem byggir á traustum flugsamgöngum.

Fara efst á síðu
 

Ferðamenn fljúga út á land

Úr borg og út á land

Ferðamenn sem ætla út á land fara margir með flugi og geta með skömmum fyrirvara ákveðið að fara út á land á vit ævintýranna.

Flugið er forsenda

Margar af afskekktari byggðum hafa byggt upp myndarlega ferðaþjónustu sem treystir á flugsamgöngur frá borginni.

Sjálfsögð þjónusta

Allar borgir heims leggja áherslu á traustar og stöðugar flugsamgöngur. Ferðamenn eru vanir þessu og treysta því á samgöngur á Íslandi.

Flugið okkar lestarkerfi

Víða um heim nota ferðamenn lestarkerfi til ferða innanlands. Ekkert slíkt er á Íslandi og kemur flugið þess í stað.

Vaxandi tekjulind

Tekjur af ferðamennsku vaxa ár frá ári á landinu öllu. Leggist innanlandsflug af glatast hluti þeirra tekna.

10% farþega

Áætlað er að um 10% farþega á ári séu ferðamenn og yfir sumartíman gerist það oft að vélar séu alfarið skipaðar ferðamönnum.

Fara efst á síðu
 

Flugsagan öll í Vatnsmýri

Fyrsta flugið 1919

Þann 3. september árið 1919 var fyrsta flug á Íslandi farið frá Vatnsmýrinni. Flug hefur verið stundað í Vatnsmýri allar götur síðan.

Völlurinn ákveðinn 1940

Bæjarráð Reykjavíkur ákvað 8. mars 1940 að fallast á tillögu skipulagsnefndar að ætla flugvelli stað í Vatnsmýri, og eftir að nefndin hafði látið kanna sjö hugsanleg stæði fyrir flugvöll.

Nær 100 ára saga

Nær öll flugsaga Íslands tengist með einum eða öðrum hætti flugvellinum í Vatnsmýri. Þar eru margar af merkustu minjum flugsögunnar.

Fara efst á síðu
 

Flugið er eitt af hryggjarstykkjum hagkerfisins

9.200 störf

Flugtengd störf á Íslandi eru 9.200 eða 5,5% vinnuafls samkvæmt skýrslu Oxford Economics.

6,6% af landsframleiðslu

Flugrekstur stendur undir 6,6% af landsframleiðslu Íslands samkvæmt sömu skýrslu.

16 milljónir á mann

Árleg verðmætasköpun hvers starfsmanns í flugþjónustu á Íslandi er 16 milljónir króna.

Undirstaða fjárfestinga

Rannsóknir sýna að tenging með flugsamgöngum eru grunnur að mögulegum fjárfestingum og nýjum hugmyndum í atvinnulífi.

Íslensk fyrirtæki

Í skýrslu Oxford Econimcs segir að flugfélög með bækistöðvar á Íslandi annist 78% af öllu farþega- og fraktflugi hérlendis.

Stærst á Íslandi

Framlag flugrekstrar til landsframleiðslu er hærra en í Noregi, Svíþjóð og Danmörku.

Fara efst á síðu
 

Minni mengun með auknu flugi

Minni eldsneytiseyðsla

Flug er hagkvæmari ferðamáti en bílaumferð. Minna eldsneyti fer í hvern farþegakílómeter í farþegaflugi en í bíl.

30 bílar í hverju flugi

Fullsetin Fokker 50 flugvél jafnast á við rúmlega 30 bíla sé miðað við 1.6 farþega í bíl.

Minni slysahætta

Árlega er fjöldi banaslysa í umferðinni á þjóðvegum landsins. Engin banaslys hafa orðið síðustu áratugi í áætlunarflugi.

Fagurt umhverfi

Vatnsmýrin er fagurt grænt svæði sem vel er við haldið. Í borg skiptir marga máli að hafa opin svæði en ekki hús við hús.

Minna vegslit

Flugvél slítur ekki þjóðvegum og lítið slit er á flugbrautum miðað við almenna vegi. Aukin flugumferð dregur því úr vegsliti.

Fara efst á síðu
 

Nauðsynlegur varaflugvöllur

Eini varavöllurinn

Flugvöllurinn í Vatnsmýri er eini þriggja brauta flugvöllurinn á Íslandi fyrir utan Keflavíkurvöll.

Næsti í Skotlandi

Sé ófært á Keflavík þá er næsti fjölbrauta flugvöllur í Skotlandi.

Aukin mengun

Hver vél sem færi yfir hafið yrði að bera auka eldsneyti til að fara í versta falli til Skotlands verði Reykjavíkurvelli lokað.

Ófært í sjúkraflugi

Ef Keflavík væri eini fjölbrautavöllurinn á suðvesturlandi þá gætu sjúkraflugvélar ekki flogið suður ef völlurinn lokaði vegna veðurs.

Sjúklingum snúið við

Á veturna skipast veður skjótt í lofti. Lokist Keflavík þegar sjúkraflugvél væri á leiðinni yrði hún að snúa við.

Hærra miðaverð

Ef hver vél þarf að bera meira eldsneyti þá eykst kostnaður við hverja flugferð. Þann kostnað bera farþegar í millilandaflugi.

Fara efst á síðu